اول ايام الزواج والكلام اللي يصير بين العروسين اتمنى تعطوني رايكم

السلام عليكم ورحمة الله وبركاته

هذاا حوااار بين زوجين اتكم مع الحوااار



شوفي ياروحي ويانظر عيني انا اليوم بطلع لربع يعني لي 4 اسابيع ماشفت اخوياي وزملائي لازم اشوف وش صار عليهم

ودي اشوف من ترقى بوظيفته من اللي فصل من اللي انهبل من اللي انحاش من اللي هاجر

يعني يحبيبي بتروح وتخليني بلحالي ياطاوعك قلبك

ياحياتي من قال اني بخليك بلحالك افااا بس شوفي يمين ويسار ناظري التلفزيون اوعندك المطبخ حولك الفرن حولك غسالتك جنبك

طيب يابعد اهلي متى بتجي

والله ياقلبي وياخلف اهلي كلهم على حسب يعني تعرفين لي اربع اسابيع من تزوجنا ماشفتهم انا قعدت معك اربع اسابيع صح

شوفي ياقلبي هم ترى بقعد معهم تقريبآ خمسه ايام او سته شفتي انك اكثر منهم ياروحي

اوووووف اربع اياااام او خمسه لا كثيره يحبيبي حرام عليك بتخليني بلحالي اربع ايام وماجبت خبز الا بريال < ماهمها الا بطنها

طيب ياابعد طواايفي واذا قلت لك ياحياتي اني بخليها عشانك خمس ساعات بس

لالالالاحبيبي كثيرة خمس ساعات انا بلحالي اخااف يصير لي شيء

وش بيصير لك ياانظر عيني يعني مهب جايك الا العافية فيه شي اسمه وسيلة اتصال دقي علي اذا احتجتي منقذ

بس هاا اسمعي ياحياتي موو كل شوي تدقين علي مالها داعي صح

كل ماسمعتي صوت خرفشه او صووت تدقين تعال فيه احد بالبيت الكهرب تحسين اللمبة بتأشر تدقين تقولين شكل الكهرب بيطفى الحأني ترى انا مانيب سبايدر مان

كذا مايصير كذاا ياروحي اقوولها لك ترى لا تزعلين من الحين ودي نكون متفقين على كول حاقه

طيب طيب حبيبي افرض اني اذا سمعت البزبوز ينقط يقولون هذا بسم الله الرحمن الرحيم قاعدين يغسلوون

طيب واذا غسلوا ياحياتي ولا يهمك لا تخافين روحي وقربي لهم الصابون اخاف ماكلين دسم

وش هالخرافات ياادنيتي اقول شكل بنات خالاتك وبنات عمك نصابات لايقعدون يطقطون عليك ياروحي

لاتحسسيني انك كذا كل كلمه توديك وتجيبك ترى والله اغير جوالك واخليه شحن واشحن لك بريال تصيرين تدقين رنه وتسكرين او ترسلين كولمي

وش هذاا بسم لله الرحمن الرحيم وش هاللي وراك

ياااااي يممممممممه

لا تخاافين ايووووه اقوى ياحياتي ( شفتوا وشلون الواحد ياخذ ضمه ببلاش)

لا اوصيك ياقلبي ديري بالك على حالك ياروحي

بعد مااطلع الزوج

( طبعاً كلكم شفتوا الحوار اللي فوق كله وشلوون اقنعها الزوج بس هيهات هيهات تقتنع خلونا نتابع وش صار بعد ساعة ونص )

ترررررررن ترررررررن ايووه ياهلا وسهلا . مين

الوو وشو مين يااقلبي ماعرفتني

لا والله سوووري ماعرفتك ممكن نتعرف بس انا اتوقع صار بينا لقاء قبل شوي

اوووووه اسف اهلين حياتي همانا متفقين انا وياك قبل شووي ان مافيه ترن ترن الا في الحالات الطارئة

ايه الحين فيه حالة طارئة ياقلبي

اجل دقيقة اشبك السماعة على اذني شكل الدعوه خطيرهتفضلي وين تحسين الوجع

ابد حبيبي اشتقت لك

هاه ما اسمع عيدي مره ثاانيه وش تقوولين اشششششششتقت لك

طيب ياروحي والله انك خوفتيني حسبت فيك شيء خليتيني اشبك السماعة عموماً هالحالة ياروحي عارفها وحاس فيها انا امر فيها حالياً واحتمال نقصر الوقت لساعتين

تعرفين متقابلين في خشش بعض لنا شهر كاامل واحنا مسافرين مافيه الا انا وانتي واحس اني فقدتك ومن باب ان بينا عيش وملح لازم ارجع بعد ساعتين

ايه صح يااقلبي نسيت أسألك ياحياتي للحين ماصب البزبوز

يممممممممه لا لاتكفين خلي يمه بعد شوي الحين انا مانيب فيه

المهم ياروحي لاتنسين اذا صب البزبوز حطي بجنبهم صابون اخاف انهم ينادونك ويقولون وين صابونكم فيه خخخ فشيلة عاد صيف ذولا

اقول بس لا تستهبل ورى ماترجع بس

خلاص ياقلبي غاليه والطلب رخيص شوي وبرجع ولمي الأونو اسمعي شغل حركات الاولين اللي صارت امس مابيه شارية عشر ابواك اونو

وكل شوي حاطة لي ام اسحبه اربع وام سحابة اتنين احب ابشرك اني كشفتك فيها وانا بس اسحب من ذا الاونو

طيب قلبي

فاصلة ونواصل طبعاً المكالمة كانت 30 دقيقة يالله خلونا نتابع وش يصير بعد 45 دقيقه

ترررررررن تررررررن

آلو نعم

انا
داري انه انتي ياروحي وش السالفه وش فيك وش صاير لك لايكون معذبك شوق

لابس يانظر عيني حبيت اسئلك اسوي لك عشاء

اها عشاء لالالا يااقلبي انا أكلت ياحياتي تعشي انتي كني متعشي انا معك

لا ياقلبي تبيني اتعشى بلحالي

لاحووووول كل شيء عندك انتي بلحالك انتي ماتسمعين ياحياتي بالوحدة

ترى انا قبل لا اعرس عليك اهلي مايدقون ابد علي ويسئلوني تعشيت الا اذا شالوا السفرهـ لاتخليني اشوف نفسي عليك

طيب حبيبي قوولي كم باقي وتجي

حرام عليك مامداني جلست مع العيال عشان تقولين كم باقي اسمعي يعني معليش ودي تتقبلينها بروح رياضية ياحيبيتي اذا دقيتي ثانية ترى يمكن انام عندهم اكيد بتقولين وتخليني بلحالي

لامستحيل راح اخليك بلحالك دقي على اهلك خليهم يجون ياخذونك من البيت وتنامين عندهم وش رايك فيني عاد حنون

اقوول بس اسممممممممممممممع ترى هالاسبوع بناام عند اهلي فالازم تعوضني عن هالروحة باقي ها الايام

هدي اعصابك هدي اعصابك يابعد اهلي ترى كل اللي طلعته ساعة ونص نص ساعة راحت في سلام وتبوويس العياال وساعة راحت معك في اتصالات

حسيت من كلامك ياقلبي اني رايح انتداب من دواامي على شان تطلبين تعويض اللي تبينه بس خفي ياحياتي من ها الاتصاالات

لا تخليني اجيب شريحة شحن واشحنها لك بعشره واكلم على الساعة لين تروح 9 ريال ويبقى ريال واخليه لك

طيب حبيبي لا تزعل على تبغاني اصلح لك شيء تاكله

ياروحي يعني بس ممكن اسألك الحين شيء تاكله تختلف عن العشاء عليك حركات ههههه

متعشي والله يااحيااتي ارحميني خلاص سمنت

ازارير ثيابي احس انها بتتقطع في وجهه اللي قدامي كل ماسلمت على وااحد من اخوياي يوخرون وجهه عني يخافون لايبنطلق زرار في خشتهم

وشلوون يااقلبي نقدر نقول مع السلامة يابعد اهلي انا بطلع الحين ترى اذا دقيتي بروح انام في فندق هالمرة انا اللي بقول بلحالي

خلاص طيب لاتهدددد ياشرين قلبي مع السلامة

فاصلة اخيرة يااحلووين وهذاا من وجهة نظري ترى

انتم شفتوا ياحلوين هذا السواالف اللي حصلت بين حبيبين توهم جدد تنقلب الحياة 180 درجة الله الزوج ساعات يقول وش الله قردني وتزوجت

بعض الزوجاات الجديدات الله يهديهم يارب فيهم نشبة مو طبيعيه فـ ياليت ياليت تخفون شوي حبيب قلبكم الرجل

لأن ترى مالها والله داعي ترررن ترررن كل شوي مايمدي الواحد يسولف وينبسط مع اخوياه الا ترن ترن وبعدين زوجك مهب طاير

وبعدين صدقيني بعد فترة تقولين له وراك انت ناشبن في حلقي ماطلعت فـ ياليت تجزأون هالشوق لزوجكم على السنوات الجاية يكون احسن ويخف الجفاف العاطفي

وانت ياعزيزي الأشهب يابوفنيله وسرواال حاول تحتوي عروستك الجديدة تعرف طايرتن بك اول مره تعرس

لاتتضايق من المكالمات مهما كانت مزعجه وحاول انك تتعامل معها بدبلوماسية مطلقة وخلك ذرب ترى هالايام حلوة وماتنسي

اما انتم ابغاا وجهة نظركم بالحواار

وانا ابغاا راايكم في ها اللي صاار بين ها الزوجين هل اللي صاار من حق الزوجه انها تتصل على زوجها بكل وقت

ام