ليه نختار المال وننسى الحب

النهاردة عاوزة اسال عن حاجة بقالى مدة بسمع قصص حب وقصص بنتنتهى عشان خاطر الفلوس معرفش الناس تقعد تحب 5 سنين وبعد كده تسيب اللى بتحبه عشان خاطر الفلوس اللى معاه فلوس يعيش واللى مش معاه فلوس ملوش نفس يحب طيب بتحبوا ليه من الاول طالما بتفكروا فى الفلوس والمال بقى مش مهم تكون مبسوطة اهم حاجة الفلوس ليه طيب الفقر مش عيب ولا حرام يعنى الحب الايام دى على فكرة تسليه مش اكتر الناس مش هتموت من غير حب بس كلامى ده مش معناه انى حبيت وانجرحت يعنى احسن انا عارفه فى ناس هتقول انى حبيت وبعيش قصة حب والكلام ده اوعى حد يبكى على حاجة انسان بيحب الفلوس اللى بيحب حد بيضحى عشانه فى سيبل كل حاجة مش عشان الفلوس الناس تسيب بعض وتقول لا مش هعرف اعيش حياتى من غير فلوس الناس هتكلم عنى ازاى اخد واحد اقل منى فى المستوى لا الناس اللى بتفكر كده غلط . التعليم بقى الناس هتكمل وتقول ازاى انا معاية كلية واخد واحدة معاه معهد كل واحد بيفكر فى الناس الناس هتعيش معاكى لحظة الفرحة او الحزن ماهى كده او كده الناس بتكلم مش جديد عليها يعنى ياريت كل واحد يفكر فى حياته هو وهيعيش ازاى والجمال مش كل حاجة ممكن نحب واحد جميل جدا وقمر لكن شخصيته متنفعش اصلا معندوش شخصية يعنى الجمال هينفعك وقتها ؟؟؟؟؟؟؟؟؟؟؟؟؟؟؟؟ الفلوس هتنفعك وقتها ؟؟؟؟؟؟؟؟؟؟؟؟؟؟؟ الناس هتنفعك وقتها ؟؟؟؟؟؟؟؟؟؟ محدش بينفع حد؟؟؟؟؟؟؟؟ ليه الرجل بيخون مراته ليه الخيانة نفسى اعرف وليه نختار الفلوس والمال يعنى وننسى الابتسامة والحب